ព័ត៍មាន
ការផ្សព្វផ្សាយសាកល្បង
18 Dec,2024
ការផ្សព្វផ្សាយសាកល្បង
កិច្ចព្រមព្រៀងភាពជាដៃគូរសេដ្ឋកិច្ចគ្រប់ជ្រុងជ្រោយតំបន់ (RCEP)
18 Dec,2024
ភ្នំពេញ ថ្ងៃទី ១៧ ខែធ្នូ ឆ្នាំ ២០២៤ សមាគមសហគ្រិនវ័យក្មេងកម្ពុជាបានចូលរួមគាំទ្ររៀបចំសិក្ខាសាលា ស្តីពី “កិច្ចព្រមព្រៀងភាពជាដៃគូរសេដ្ឋកិច្ចគ្រប់ជ្រុងជ្រោយតំបន់ (RCEP)” ដោយមានការរៀបចំដោយចំដោយក្រសួងពាណិជ្ជកម្មកម្ពុជា ក្រោមកិច្ចសហប្រតិបត្តិការជាមួយគម្រោងពាណិជ្ជកម្មក្នុងតំបន់សម្រាប់ការអភិវឌ្ឍន៍ (RT4D) ដើម្បីបង្កើនការយល់ដឹងរបស់វិស័យឯកជននៅកម្ពុជា និងអត្ថប្រយោជន៍នៃកិច្ចព្រមព្រៀង RCEP នៅកម្ពុជា។
សិក្ខាសាលានេះបានផ្ដល់នូវទិដ្ឋភាពរួមនៃបទប្បញ្ញត្តិពាណិជ្ជកម្ម នីតិវិធីគយ និងវិធានដើមកំណើតទំនិញ ដើម្បីជំរុញធុរកិច្ចកម្ពុជាឱ្យចូលរួមប្រើប្រាស់ និងទាញយកអត្ថប្រយោជន៍សម្រាប់ពាណិជ្ជកម្មអន្តរជាតិ។
សិក្ខាសាលានេះផ្តួចផ្តើមឡើងក្នុងគោលបំណងដូចខាក្រោម៖
• ពង្រឹងការយល់ដឹងអំពីអត្ថប្រយោជន៍ RCEP សម្រាប់សហគ្រាសធុនតូច និងមធ្យម៖ ដើម្បីបង្កើនការយល់ដឹងក្នុងចំណោមវិស័យឯកជន រួមទាំងសហគ្រាសធុនតូច និងមធ្យមដែលដឹកនាំដោយស្ត្រី ជាពិសេសលើពាណិជ្ជកម្មទំនិញ។ សិក្ខាលាសានេះមានសារៈសំខាន់ណាស់ ដោយសារ RCEP មានគោលបំណងបង្កើតបរិយាកាសពាណិជ្ជកម្ម និងវិនិយោគក្នុងតំបន់ដែលមានលក្ខណៈសេរី និងងាយស្រួលជាងមុន។
• ពង្រឹងចំណេះដឹងអំពីតម្រូវការនាំចេញ និងនាំចូលក្រោមក្របខ័ណ្ឌ RCEP៖ ផ្តល់ព័ត៌មានអំពីតម្រូវការបច្ចេកទេសសម្រាប់ការនាំចេញ និងនាំចូលក្រោមកិច្ចព្រមព្រៀង RCEP សម្រាប់ពាណិជ្ជកម្មទំនិញ ដើម្បីឱ្យសហគ្រាសធុនតូច និងមធ្យមអាចទទួលបានអត្ថប្រយោជន៍ដែល RCEP ផ្តល់ជូន។
• ផ្តល់ឱកាសដល់សហគ្រាសធុនតូច និងមធ្យម ដើម្បីផ្លាស់ប្តូរបទពិសោធន៍លើការនាំចេញ និងនាំចូលទៅកាន់ និងពីទីផ្សារ RCEP ដោយផ្តោតលើផលិតផលជាក់លាក់ និងទីផ្សារជាក់លាក់នូវឱកាស បញ្ហាប្រឈម និងយុទ្ធសាស្ត្រ ដើម្បីដោះស្រាយនូវបញ្ហាទាំងនោះ។
អ្នកស្រី ចៅ លន់មូលីការ សមាជិកក្រុមប្រឹក្សាភិបាលសមាគមសហគ្រិនវ័យក្មេងកម្ពុជា និងជាប្រធានក្លឹបសហគ្រិនស្ត្រីវ័យក្មេងអាស៊ាន (AYWEC) និងអ្នកស្រី ពេជ រដ្ឋមុនី សមាជិកក្លឹបសហគ្រិនស្ត្រីវ័យក្មេងអាស៊ាន (AYWEC)
02 Dec,2024
ទីក្រុងវៀងច័ន្ទន៍ ប្រទេសឡាវ នាថ្ងៃទី០២ ខែតុលា ឆ្នាំ២០២៤ អ្នកស្រី ចៅ លន់មូលីការ សមាជិកក្រុមប្រឹក្សាភិបាលសមាគមសហគ្រិនវ័យក្មេងកម្ពុជា និងជាប្រធានក្លឹបសហគ្រិនស្ត្រីវ័យក្មេងអាស៊ាន (AYWEC) និងអ្នកស្រី ពេជ រដ្ឋមុនី សមាជិកក្លឹបសហគ្រិនស្ត្រីវ័យក្មេងអាស៊ាន (AYWEC) បានចូលរួមកិច្ចប្រជុំប្រចាំឆ្នាំរបស់ក្លឹបសហគ្រិនស្ត្រីវ័យក្មេងអាស៊ាន (AYWEC) ស្របតាមកិច្ចប្រជុំក្រុមប្រឹក្សាសហគ្រិនវ័យក្មេងអាស៊ាន (AYEC)។
កិច្ចប្រជុំនេះធ្វើឡើងក្នុងគោលបំណងដើម្បីធ្វើបច្ចុប្បន្នភាព និងពិនិត្យសកម្មភាពរបស់ក្លឹបសម្រាប់ឆ្នាំកន្លងទៅ និងផែនការសម្រាប់ឆ្នាំ២០២៥។ សកម្មភាពទាំងនោះមិនត្រឹមតែលើកកម្ពស់ស្ត្រីក្នុងវិស័យធុរកិច្ចប៉ុណ្ណោះទេ ប៉ុន្តែថែមទាំងជួយដោះស្រាយបញ្ហាប្រឈម និងសិក្សាពីតម្រូវការនៅក្នុងប្រទេសសមាជិកអាស៊ានទាំងអស់ ដើម្បីរាយការណ៍ជូន AYEC ផងដែរ។
——————————
Vientiane Capital, Lao PDR, 2nd October 2024 – Mrs. Chau Lon Molika, a member of the YEAC Board of Directors and Chairwoman of the ASEAN Young Women Entrepreneurs Club (AYWEC), along with Mrs. Pich Rathmony, a member of AYWEC, attended the Annual Club Meeting, which was held in alignment with the ASEAN Young Entrepreneurs Council (AYEC) Meeting.
The meeting aimed to update and review the club’s activities over the past year and to plan for 2025. Its objectives were not only to promote women in business but also to address challenges and needs across all ASEAN countries, with the findings to be reported to AYEC.
ព័ត៌មានបន្ថែម: https://linktr.ee/yeacambodia
#YEAC #Laos #AYEC #AYEACarnival #Investment #Policy #YoungEntrepreneurs #YEACambodia #Entrepreneurship #Business #AYWEC
ឧកញ៉ា ប៉ិច បូឡែន ប្រធានគណៈប្រតិភូមកពីសមាគមសហគ្រិនវ័យក្មេងកម្ពុជា (YEAC) និងជាប្រធានក្រុមប្រឹក្សាសហគ្រិនវ័យក្មេងអាស៊ាន (AYEC)
02 Dec,2024
ទីក្រុងវៀងច័ន្ទន៍ ប្រទេសឡាវ នាថ្ងៃទី០២ ខែតុលា ឆ្នាំ២០២៤ ឧកញ៉ា ប៉ិច បូឡែន ប្រធានគណៈប្រតិភូមកពីសមាគមសហគ្រិនវ័យក្មេងកម្ពុជា (YEAC) និងជាប្រធានក្រុមប្រឹក្សាសហគ្រិនវ័យក្មេងអាស៊ាន (AYEC) ប្រចាំកម្ពុជា រួមជាមួយលោក ស គីណាល់ និងលោក ប៊ុន សម្បត្តិ ជាសមាជិកក្រុមប្រឹក្សាសហគ្រិនវ័យក្មេងអាស៊ាន បានចូលរួមកិច្ចប្រជុំក្រុមប្រឹក្សាប្រចាំឆ្នាំ ដើម្បីសង្ខេប និងរៀបចំផែនការសកម្មភាពរបស់ AYEC ជាពិសេសរៀបចំផែនការសម្រាប់កម្មវិធីមហោស្រពសហគ្រិនវ័យក្មេងអាស៊ានលើកទី១០ នៅប្រទេសម៉ាឡេស៊ីនៅឆ្នាំ២០២៥។
កិច្ចប្រជុំបានបានផ្ដោតសំខាន់ទៅលើការពិភាក្សាសំខាន់ៗជាច្រើន រួមទាំងការចាប់ផ្តើមសមាគមសហគ្រិនវ័យក្មេងអាស៊ាន (AYEA) ក្រុមការងារពិភាក្សាគោលនយោបាយ ដើម្បីតំណាងឱ្យសំឡេងរបស់សហគ្រិនវ័យក្មេងទូទាំងអាស៊ាន តាមរយៈក្រុមប្រឹក្សាធុរកិច្ចអាស៊ានដល់ថ្នាក់ដឹកនាំអាស៊ាន និងផែនការសម្រាប់កម្មវិធីមហោស្រពសហគ្រិនវ័យក្មេងអាស៊ានលើកទី១០ ឆ្នាំ២០២៥។ ទន្ទឹមនឹងនេះ AYEC បានរៀបចំផែនការសកម្មភាពយុទ្ធសាស្ត្រ AYEA ឆ្នាំ ២០២៥ និងគ្រោងធ្វើបច្ចុប្បន្នភាពសម្រាប់ផែនការសកម្មភាពយុទ្ធសាស្រ្តឆ្នាំ ២០៣០ ផងដែរ។
សមាគមសហគ្រិនវ័យក្មេងកម្ពុជា ដឹកនាំដោយលោក កេង ទិត្យភិរម្យ
02 Dec,2024
ភ្នំពេញ៖ នាថ្ងៃទី២២ ខែវិច្ឆិកា ឆ្នាំ២០២៤ សមាគមសហគ្រិនវ័យក្មេងកម្ពុជា ដឹកនាំដោយលោក កេង ទិត្យភិរម្យ ជាសមាជិកក្រុមប្រឹក្សាភិបាលទទួលបន្ទុកក្នុងគណៈកម្មការទី១៥ “ទំនាក់ទំនងសមាជិក” របស់សមាគមសហគ្រិនវ័យក្មេងកម្ពុជា បានរៀបចំកម្មវិធីតម្រង់ទិសដល់សមាជិកថ្មីចំនួនជិត ៣០នាក់ ដែលមកពីស្ថាប័ន និងក្រុមហ៊ុនផ្សេងៗគ្នា ស្ថិតនៅការិយាល័យសមាគមសហគ្រិនវ័យក្មេងកម្ពុជា។
ការរៀបចំកម្មវិធីតម្រង់ទិសនេះ ធ្វើឡើងក្នុងគោលបំណងដើម្បីផ្តល់នូវព័ត៌មានបន្ថែមស្ដីពីសមាគមសហគ្រិនវ័យក្មេងកម្ពុជាទៅកាន់សមាជិកថ្មីៗ ក៏ដូចជាធ្វើបច្ចុប្បន្នភាពរបស់សមាគម និងព័ត៌មានពីអាជីវកម្មរបស់សមាជិកថ្មី ជាពិសេសការស្វាគមន៍យ៉ាងកក់ក្តៅដល់សមាជិកថ្មីទាំងអស់ក្នុងការចូលមកកាន់សមាគមសហគ្រិនវ័យក្មេងកម្ពុជា។
ទិវាសហគ្រិនភាពកម្ពុជា ២០២៤
29 Nov,2024
🎆ទិវាសហគ្រិនភាពកម្ពុជា ២០២៤🎊
សមាគមសហគ្រិនវ័យក្មេងកម្ពុជា (YEAC) សហការជាមួយអង្គការបណ្តាញសហគ្រិនភាពសកល-កម្ពុជា (GEN Cambodia) និងស្ថាប័នរដ្ឋ ឯកជន និងដៃគូអភិវឌ្ឍ រៀបចំ “ទិវាសហគ្រិនភាពកម្ពុជា ២០២៤” នៅក្នុងខែវិឆ្ឆិកា ឆ្នាំ២០២៤ នៅតាមបណ្ដាខេត្ត និងសាកលវិទ្យាល័យ និងនៅខែធ្នូ ឆ្នាំ២០២៤ នៅរាជធានីភ្នំពេញ ក្រោមប្រធានបទ “វិនិយោគលើសហគ្រិនវ័យក្មេងដើម្បីសេដ្ឋកិច្ចប្រកបដោយថាមវន្ត និងបរិយាបន្ន”។
ℹ️ទិវានេះតែងតែត្រូវបានប្រទេសជាច្រើនរៀបចំឡើងនៅចុងឆ្នាំដូចៗគ្នា ប្រមាណជាជាង ២០០ ប្រទេស ហើយមានអ្នកចូលរួមសរុបប្រហែល ១០ លាននាក់ ដើម្បីចូលរួមក៏ដូចជាផ្សារភ្ជាប់បណ្ដាញសហគ្រិន ជាមួយនឹងអ្នកដែលមានសក្ដានុពល អ្នកបណ្ដុះបណ្ដាល និងអ្នកវិនិយោគ។
សូមត្រៀមខ្លួនដើម្បីចូលរួមអបអរសាទរ “ទិវាសហគ្រិនភាពកម្ពុជា ២០២៤” ទាំងអស់គ្នា❕
